Monday, September 7, 2015

தற்காத்தல்

இன்னும் கொஞ்சம் நேரம்
விளையாடியிருக்கலாம்
ஒரு கோடை மழையை போல்
வன்மையாக சட சடத்து
முடிந்திருக்கிறது நம் விளையாட்டு,
அத்தனை ஈரத்தையும் ஒரே உறிஞ்சலில்
குடித்தது போல்
ஏதுமற்று நிற்கிறது என் பூமி.
இனிக்கும் முந்தைய நினைவுகள்
சர்க்கரை நோயை போல் துரத்துகின்றன,
சிறு கீறல் போதும்
என் உறுப்புகள் அகற்றப்படுவதற்கு,
கொஞ்சம் மீறினால்
உயிருக்கே உலை தான்
எனினும், தற்காத்துக் கொள்கிறேன்
கொஞ்சம் கொஞ்சமாய்
என்னைக் கொன்று..
-மணி

No comments:

Post a Comment